Працоўны ААТ «Інтэграл»: Адміністрацыя завода панікуе

З прадпрыемства масава сыходзяць людзі.

Працоўны заводу ААТ «Інтэграл» падзяліўся з тэлеграм-каналам «Баста» навінамі з прадпрыемства:

- Сітуацыя пагаршаецца. Заробкі да 611 рублёў (243 даляры) за ліпень. Адміністрацыя заводу панікуе. Пасля публікацый у СМІ на прадпрыемстве быў вялікі «кіпіш».

Прайшла інфармацыя, што ў плыні некалькіх месяцаў могуць звольніцца амаль 630 маладых работнікаў, якія адбываюць «адпрацоўку». Людзей не звальняюць. Усе самі сыходзяць.

Па суботах некаторыя выходзяць за дадатковую аплату, бо заробак - капейкі. Працоўныя вельмі незадаволеныя, нават вельмі злыя.