У рэгіёнах РФ вяртаюць абмежаванні на продаж бензіну

Дэфіцыт паліва ўзнік пасля атак беспілотнікаў на расійскія НПЗ.

У Калужскай вобласці, якая мяжуе з Масквой і Падмаскоўем, з 23 верасня вяртаюць абмежаванні на продаж бензіну. Пра гэта заявіў у аўторак, 22 верасня, губернатар рэгіёна Уладзіслаў Шапша. Вадзіцелі змогуць запраўляць аўтамабілі ў цотныя і няцотныя дні ў залежнасці ад першай лічбы рэгістрацыйнага нумара аўто. Акрамя таго, заліваць бензін можна будзе толькі ў бак аўтамабіля, перадае Deutsche Welle.

Новыя меры ўводзяцца на фоне ўзмацнення ўдараў Узброеных сіл Украіны па расійскіх нафтаперапрацоўчых заводах.

«Зараз фіксуем лакальныя лагістычныя збоі ў пастаўках паліва на асобныя АЗС. Вярнуліся чэргі. Гэта выклікае справядлівае незадаволенне», — напісаў Шапша ў сваім Telegram-канале.

15 жніўня ў Калужскай вобласці ўжо ўводзілі абмежаванні на продаж бензіну у рэжыме «цот-няцот». Яны былі зняты з 1 верасня.

У аперштабе Забайкальскага краю таксама абвясцілі, што з 23 верасня сеткі заправак БРК і «Корс» устанаўліваюць ліміты ў 15 літраў бензіну АІ-92 і АІ-95 на адну машыну. Першы намеснік старшыні ўрада краю Буянто Батамункуеў растлумачыў новыя абмежаванні тым, што агульныя рэшткі паліва на АЗС і нафтабазах складаюць 17 тысяч тон і «пры бягучым рэжыме адпуску гэтага хопіць толькі на 20 сутак».

У чэрвені гэтага года ў гэтым рэгіёне ўводзіліся аналагічныя абмежаванні, іх знялі 23 ліпеня.

Абмежаванні на продаж паліва — уведзеныя або рэгіянальнымі ўладамі, або самімі сеткамі АЗС — уводзілі гэтым летам амаль ва ўсіх расійскіх рэгіёнах, а таксама ў анексаваным Крыме. Праблемы з пастаўкамі паліва прымусілі прэзідэнта РФ Уладзіміра Пуціна 28 чэрвеня даць даручэнне аб сістэмных мерах па стабілізацыі рынку.

Дэфіцыт паліва ўзнік пасля атак беспілотнікаў на расійскія НПЗ з боку Украіны, якая ўжо больш за чатыры гады абараняецца ад ваеннага ўварвання РФ. З-за удараў і пажараў на НПЗ прадпрыемствы былі вымушаныя скарачаць або цалкам спыняць вытворчасць. Пазней абмежаванні адмянілі, але з пачатку жніўня ўкраінскія атакі на НПЗ ізноў узмацніліся, і Расію ахапіла другая хваля паліўнага крызісу.

У двух рэгіёнах РФ вярнулі абмежаванні на продаж бензіну

Улады Калужскай вобласці і Забайкалля зноў уводзяць абмежаванні на продаж бензіну з-за ўзмацнення ўкраінскіх атак на НПЗ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com