Мэр Вільні запатрабаваў тэрмінова ўвесці санкцыі супраць усёй прадукцыі «Беларуськалія»

Абмежаванні павінен быць прынятыя не пазней, чым цягам двух тыдняў.

Мэр Вільні Рэмігіюс Шымашус запатрабаваў ад урада Літвы тэрмінова ўвесці нацыянальныя санкцыі ў дачыненні да ўсёй прадукцыі "Беларуськалія", у тым ліку дарожнай солі.

Пра гэта паведамляе lrt.lt.

Пад забаронай павінна апынуцца ўся прадукцыя прадпрыемства, у тым ліку, і соль, якая выкарыстоўваецца для ўтрымання дарог.

Нагадаем, санкцыі, уведзеныя ЕЗ у дачыненні да беларускага калійнага прадпрыемства, не распаўсюджваюцца на прадукцыю хларыду натрыю.

Некалькі гадоў таму ўлады Вільні ўклалі папярэднія кантракты на пастаўку гэтай солі з кампаніяй Lit Salt Trade, якая пастаўляе соль для кладкі дарожных пакрыццяў ад "Беларуськалія". Кампанія амаль заўсёды прапануе самы нізкі кошт, і законных падстаў адмовіць ёй у мэрыі літоўскай сталіцы няма. Кантракт з гэтым пастаўшчыком дзейнічае да кастрычніка 2022 года. Паводле яго гарадскія ўлады павінны закупіць яшчэ да 20 тысяч тон солі на суму каля 1,6 мільёна еўраў.

Рэмігіюс Шымашус просіць урад увесці нацыянальныя санкцыі ў дачыненні да ўсёй прадукцыі "Беларуськалія" "як мага хутчэй, але не пазней, чым цягам 2 тыдняў".

Адміністрацыя Вільні яшчэ ў жніўні звярнулася да Міністэрства замежных спраў і Дэпартаменту дзяржбяспекі Літвы з просьбай ацаніць, ці не супярэчыць пастаўка прадукцыі прадпрыемстваў, якія маюць сувязі з беларускім рэжымам, нацыянальнай бяспецы Літвы.