Прэм'еры Літвы і Польшчы абмеркавалі сітуацыю ў Беларусі
- 17.09.2021, 18:24
- 2,154
Літва будзе супрацоўнічаць на еўрапейскім узроўні, каб узмацніць межы перад гібрыднымі нападамі Лукашэнкі.
Прэм'ер Літвы Інгрыда Шыманітэ заявіла, што на мяжы рэспублікі з Беларуссю адбываецца не міграцыйны крызіс, а гібрыдная атака, зладжаная для падзелу Еўразвязу.
«Мы аднагалосна гаворым не пра нелегальную міграцыю. Мы бачым гібрыдную атаку, накіраваную на падзел краін Еўрапейскага звязу», - сказала Шыманітэ пасля сустрэчы з прэм'ерам Польшчы Матэвушам Маравецкім у Варшаве ў пятніцу.
З яе слоў, Літва будзе «супрацоўнічаць на еўрапейскім узроўні, каб узмацніць межы перад гібрыднымі нападамі, каб аб'яднаць нашы сілы».