На дыстанцыйнае наведанне час не толькі Пуціну

У Расеі паўтараецца леташні сцэнар.

Пасля 8 тыдняў спаду лік заражэнняў зноў пайшоў у рост у 36 рэгіёнах, паведаміла сёння кіраўніца Расспажыўнагляду Папова. Праўда, яна звязала гэта не з выбарчым цыклам, а са звычайным для канца верасня ростам вострых рэспіраторных захворванняў. Але дзіўна, што адразу пасля заканчэння выбараў стала расці і колькасць смяротных зыходаў: другі дзень запар вышэйшая за 800 смерцяў. А віцэ-мэр Масквы Ракава заявіла, што літаральна за некалькі дзён лік заражэнняў у сталіцы вырас на ¼, а шпіталізацыі на 15%.

Пакуль пра перавод навучальных установаў і прадпрыемстваў на дыстанцыйнае кіраванне афіцыйна не гавораць. Але неафіцыйна асобныя класы ў маскоўскіх школах ужо высаджваюць на каранцін, а сёння стала вядома пра перавод на дыстант першага маскоўскага ВНУ – Універсітэта кіравання.

Не выключана, што паўторыцца леташні сцэнар, калі сталічныя ўлады ўвесь верасень адмаўлялі ўзмацненне жорсткасці антыкавідных захадаў, а ў пачатку кастрычніка ўвялі дыстанцыйнае наведанне ў ВНУ і на прадпрыемствах.

Жах сітуацыі ў тым, што, нягледзячы на амаль 40 млн цалкам прышчэпленых расейцаў і яшчэ амаль 7,5 млн перахварэлых, як спыніць вірус, не ведае ніхто. Ясна, што вакцынацыя мала дапамагае. Можна, вядома, казаць, што ў РФ прышчэпленая або перахварэла ў агульнай колькасці ўсяго траціна насельніцтва. Але і ў ЗША, дзе прышчэплена больш за палову, новы ўсплёск. І запэўніванні, што больш хварэюць «слабапрывітыя» штаты (тое самае кажа і Папова пра рэгіёны РФ), не пераконваюць.

Бо прадаўжае хварэць суперпрышчэплены Ізраіль. А самы паказальны прыклад – Манголія, дзе вірус пачаў шалець роўна тады, калі насельніцтва пачалі прышчэпліваць. І хоць там прышчэплена ўжо амаль 100% дарослага насельніцтва, вірус не сціхае.

Расейцы ў сілу прышчэпак, мяркуючы з рэзкага спаду колькасці вакцынацыі, не вераць. Самае частае тлумачэнне – прымусілі на працы і прышчапіўся. І прыклад прэзідэнцкага атачэння, дзе, паводле словаў самога Пуціна, дзясяткі захварэлых на кавід – найлепшая антырэклама «Спадарожніку» і айчынным вакцынам. Тое, што ні адну з іх да гэтага часу не прызнаў нават САЗ, дадае скепсісу.

І «ружачка на торце» – расейскія тураператары арганізуюць вакцына-туры. Але не замежнікаў у РФ, як абяцала кіраўніца Растурызму Дагузава, а расейцаў у Еўропу. Можа, іх вакцыны і не лепшыя за расейскія, але іх хоць бы ў іншых краінах прызнаюць.

Тэлеграм-канал «Серпом По»