Павал Севярынец упершыню патэлефанаваў жонцы з калоніі
2- 23.09.2021, 12:44
- 4,282
Вольга Севярынец расказала пра іхнюю размову.
Жонка палітвязня, апазіцыйнага палітыка Паўла Севярынца Вольга Севярынец расказала пра размову з мужам. Палітвязень патэлефанаваў Вользе праз вайбер з калоніі:
«Мая старонка ператварылася ў сакратарыят Паўла Севярынца. Але пра іншыя рэчы пісаць зусім не хочацца. Сям'я хвалюе мяне цяпер больш за ўсё. Паша ўчора першы раз патэлефанаваў з калоніі! Гэты цуд, але яны адтуль і праўда часам тэлефануюць на вайбер! Праз відэа. Я бачыла яго на экране тэлефона – цудоўныя, забытыя адчуванні, рукі, здаецца, да гэтага часу дрыжаць. Але самае незвычайнае: я ніколі ў жыцці не падумала б, што Севярынец лысы і ў турэмнай робе будзе так стыльна выглядаць» – напісала яна.
Нагадаем, Павал Севярынец – адзін з самых паслядоўных крытыкаў рэжыму Лукашэнкі – незаконна асуджаны на сем гадоў калоніі.