У Ганцавіцкім раёне можна купіць аэрадром
3- 24.09.2021, 14:34
- 2,892
Яго плошча - 1,3 гектара.
Стары аэрадром у Ганцавіцкім раёне выставілі на аўкцыён. Пачатковы кошт лота - 14,1 тысячы рублёў, паведамляе Беларуская ўніверсальная гандлёвая біржа.
Знаходзіцца аэрадром недалёка ад райцэнтра. Аб'ект пабудавалі ў 1980 годзе.
Плошча аэрадрома складае 1,3 гектара. Паводле ўмоваў таргоў, размясціць на ім можна аб'екты сельскагаспадарчай, прамысловай вытворчасці, грамадскага харчавання, гандлю і паслуг.
Аўкцыён адбудзецца 22 кастрычніка. Стартавы кошт - 14,1 тысячы рублёў.