Папярэднія вынікі: На выбарах у Нямеччыне наперад выходзяць сацыял-дэмакраты
4- 26.09.2021, 21:35
- 6,984
Адрыў ад ХДЗ / ХСЗ мінімальны.
На парламенцкіх выбарах у ФРГ наперад з мінімальным адрывам выходзіць Сацыял-дэмакратычная партыя Нямеччыны (СДПН). На стан 19.59 (20.59 менскі час) у нядзелю, 26 верасня, яна набірае 25,5% галасоў, а блок Хрысціянска-дэмакратычнага звязу і Хрысціянска-сацыяльнага звязу (ХДЗ / ХСЗ) – 24,5%. Пра гэта сведчаць неафіцыйныя папярэднія вынікі, якія прыводзіць сацыялагічная служба Infratest dimap на замову тэлерадыёкампаніі ARD, паведамляе DW.
На трэцім месцы – партыя "Звяз-90/зялёныя", якая набрала 13,8% галасоў. Свабодная дэмакратычная партыя (СвДП) атрымлівае 11,7%, а правапапулісцкая "Альтэрнатыва для Нямеччыны" – 10,9%. Паводле звестак Infratest dimap, у парламент таксама праходзіць Левая партыя – за яе прагаласавалі 5% выбарнікаў.