СМІ: Раналду можа далучыцца да Месі ў ПСЖ

Зорнаму тандэму быць?

На фоне чутак пра свой сыход нападнік «Манчэстэр Юнайтэд» Крыштыяну Раналду можа перайсці ў ПСЖ, дзе выступае іншая зорка сусветнага футбола Ліянэль Мэсі, паведамляе Marca.

Паводле інфармацыі выдання, французскі клуб бачыць у партугальцы, якому ў лютым споўніцца 37 гадоў, замену для свайго форварда Кіліяна Мбапэ.

Адзначаецца, што тым самым парыжскі гранд рыхтуецца да сыходу 23-гадовага нападніка ў Рэал пасля заканчэння яго кантракту ўлетку 2022 года.

Разам з тым, паведамляе крыніца, Раналду, які вярнуўся ў «Манчэстэр Юнайтэд» мінулым летам, не ладзіць з новым галоўным трэнерам каманды Ральфам Рангнікам.

Калі партугальскі футбаліст пяройдзе ў ПСЖ, там ён упершыню ў кар'еры складзе зорны дуэт у нападзе са сваім шматгадовым канкурэнтам Ліянэлем Мэсі.