Паліна Шарэнода-Панасюк - беларусам: Мы не здаёмся нават за кратамі, і вы не здавайцеся
10- 14.01.2022, 22:43
- 7,086
Палітзняволеную збіраюцца этапаваць у магілёўскую турму.
Актывістку грамадзянскай кампаніі «Еўрапейская Беларусь», палітвязню Паліну Шарэнда-Панасюк змясцілі ў памяшканне камернага тыпу (ПКТ) і збіраюцца этапаваць у магілёўскую турму. Пра гэта паведаміў яе муж Андрэй Шарэнда, піша ПЦ «Вясна».
Больш за месяц родныя Паліны не атрымлівалі ад яе вестак. Нядаўна Андрэю дайшлі ад жонкі паштоўкі і тэлеграма.
З ягоных слоў, у канцы года палітзняволеную трымалі мінімум 15 дзён у карцары, а таксама змясцілі ў ПКТ да 18 сакавіка. Акрамя гэтага, яе пазбавілі каранціннай перадачы.
Таксама Паліна паведаміла, што хутка яе могуць этапаваць з гомельскай калоніі ў магілёўскую турму №4.
- Самае галоўнае, што перадае Паліна, гэта пасыл да ўсіх беларусаў: мы не здаёмся нават за кратамі, і вы не здавайцеся, змагайцеся да самой перамогі, - падзяліўся Андрэй Шарэнда.
Нагадаем, што актывістку ў чэрвені асудзілі на 2 гады калоніі агульнага рэжыму.