Перад украінскім судом, дзе будуць выбіраць меру стрымання для Парашэнкі, збіраюцца актывісты

Фотафакт.

У Кіеве ля Пячэрскага райсуда, дзе аб 11:00 павінны абіраць меру стрымання народнаму дэпутату ад "Еўрапейскай салідарнасці", пятаму прэзідэнту Украіны Пятру Парашэнку, ужо збіраюцца актывісты.

Пра гэта паведамляе карэспандэнт "Укрінфарма".

Цяпер пад судом сабралася ўжо блізу 200 актывістаў. Мітынгоўцы стаяць па абодва бакі дарогі насупраць уваходу ў суд. Яны трымаюць у руках плакаты з надпісамі "Кіеў з Парашэнкам", "We need DEMOCRACY" і "Дзякуй", а таксама сцягі палітычнай партыі "ЕС".

Каля будынка Пячэрскага райсуда актывісты таксама ўстанавілі экран, на які, магчыма, плануюць вывесці трансляцыю з залы суда. Акрамя таго, яны прынеслі пад суд металічныя бочкі, якія выкарыстоўваюць як барабаны.

Пакуль што сітуацыя пад судом спакойная. Рух не перацяты.

Будынак ахоўваюць прадстаўнікі Нацгвардыі, Нацпаліцыі, прысутнічае паліцыя дыялогу.

У той жа час Пятро Парашэнка заявіў, што з аэрапорта "Кіеў" адразу паедзе ў Пячэрскі раённы суд Кіева, дзе яму павінны абраць меру стрымання. Адпаведную заяву ён зрабіў падчас выступу каля аэрапорта пасля прылёту з Варшавы ў Кіеў, паведамляе карэспандэнт Укрінфарма.

"Цяпер я рухаюся ў суд, дзе мы дадзім ім бой", - сказаў Парашэнка і дадаў, звяртаючыся да сваіх прыхільнікаў: "Я вас усіх чакаю каля суда. Дзякуй, што вы не засталіся абыякавымі і прыехалі сюды".

Раней у ДБР паведамлялі, што Пячэрскі райсуд прызначыў разгляд хадайніцтва аб абранні меры стрымання Парашэнку на 11:00 17 студзеня.

Як паведамляў Укрінфарм, лідар партыі "Еўрапейская салідарнасць", народны дэпутат, экс-прэзідэнт Парашэнка знаходзіўся ў замежнай выправе з 17 снежня да 17 студзеня.

Выканаўца абавязкаў генеральнага пракурора Аляксей Сіманенка 20 снежня 2021 года падпісаў паведамленне аб падазрэнні пятаму прэзідэнту Украіны Пятру Парашэнку ў справе аб пастаўках вугалю з часова акупаваных тэрыторый.

Са звестак ДБР, Пятро Парашэнка падазраецца ў тым, што, "дзейнічаючы паводле папярэдняй змовы групай асоб з прадстаўнікоў вышэйшага кіраўніцтва Расейскай Федэрацыі, спрыяў дзейнасці тэрарыстычных арганізацый "ЛНР" і "ДНР". Палітыка выклікалі на допыт 23 снежня, аднак ён на яго не з'явіўся, бо знаходзіўся ў замежнай выправе.

У верасні-лістападзе 2021 года ў гэтай справе паведамлена аб падазрэнні яшчэ аднаму з дзейных народных дэпутатаў і былому міністру энэргетыкі. Яны падазраюцца ў куплі за дзяржаўныя сродкі ў АРДЛА вугалю.

На думку следства, сваімі дзеяннямі фігуранты паставілі энэргетычную сферу Украіны ў залежнасць ад Расейскай Федэрацыі і тэрарыстычных арганізацый, што, у сваю чаргу, падарвала эканамічную бяспеку дзяржавы ў 2014-2015 гадах, пазбавіла магчымасцей для дыверсіфікацыі крыніц забеспячэння энэргарэсурсамі, а таксама прадаставіла РФ шырэйшыя магчымасці для далейшага ўмяшання ва ўнутраныя справы Украіны і вядзення супраць яе падрыўной дзейнасці.