Аляксандра Івуліна прысудзілі да двух гадоў калоніі агульнага рэжыму

Незаконны прысуд быў вынесены суддзём Сяргеем Шацілам.

У судзе Савецкага раёна Менска скончыўся суд над спартовым журналістам Аляксандрам Івуліным. Падчас паседжання 19 студзеня Івулін выступіў з апошнім словам. Яго прыгаварылі да 2 гадоў калоніі агульнага рэжыму. Пры суд быў вынесены суддзём Сяргеем Шацілам.

4 чэрвеня Аляксандр Івулін быў асуджаны на 30 дзён арышту. Пазней яму было выстаўленае абвінавачанне паводле 342-га артыкула КК РБ (арганізацыя групавых дзеянняў, якія груба парушаюць грамадскі парадак) і абраная мера стрымання ў выглядзе ўзяцця пад варту.

Таксама «Мінсктранс» выставіў Івуліну пазоў на 39 тысяч рублёў.