У Катары ў краме заўважылі беларускія прадукты па шалёных коштах
20- 27.11.2022, 12:02
- 19,812
Стала зразумела, куды знікае малочная прадукцыя з гандлёвых цэнтраў Беларусі.
Пра наяўнасць на паліцах катарскіх крамаў беларускіх малочных прадуктаў напісала жыхарка Берасця, якая там цяпер знаходзіцца, піша канал «Беларусь за МКАДам».
«Сёння я знайшла на паліцах адной з крам у Досе прадукты з Берасця. Калі быць дакладнай - тварог ад «Савушкіна прадукту». Кошты пазначаныя ў мясцовай валюце - катарскім рыяле», - напісала жанчына.
Кошты гэтыя ўражваюць, бо ад беларускіх адрозніваюцца ў разы.
Тварог класічны (5%) ва ўпакоўцы 300 г каштуе 26,50 рыялаў (гэта амаль 18 рублёў - у Беларусі 2,89). Тварог класічны (5%) ва ўпакоўцы 200 г - 19,25 рыялаў (блізу 13 рублёў - у Беларусі 2,07). Тварог рассыпісты (5% і 9%) ва ўпакоўцы 350 г - 29,50-30,50 рыялаў (амаль 21 рубель - у Беларусі 3,21).
Нагадаем, што ў гэты ж час беларусы паведамляюць аб перабоях з малочнай прадукцыяй на паліцах крамаў.