Меркаванне: Лукашэнка «спісаў» Макея, каб дагадзіць Крамлю

Адна з версій раптоўнай смерці чыноўніка.

"Кейс Макея" канчаткова вывучаны, што дазваляе адкінуць усялякую канспіралогію ў сувязі з ягонай смерцю, піша тэлеграм-канал "Беларуская выведка".

Аўтары канала апублікавалі сваю версію смерці кіраўніка лукашэнкаўскага МЗС:

- Уладзімір Макей - адданы памагаты рэжыму і маўклівы суўдзельнік злачынстваў Лукашэнкі, звязаных з захопам і ўтрыманнем улады.

Пасля падзей 20-га ён канчаткова зламаўся і свой шматразова ўзрослы кагнітыўны дысананс кампенсаваў стратай прагі да жыцця, закалыхваў сябе вялікавартаснай ідэяй захавання суверэнітэту ў стылі «Любімай Лукашэнкі», выпрабоўваючы ў сваім родзе пагібельны для яго «гішпанскі сорам».

Пакінуўшы сантыменты да кіраўніка МЗС, які ўжо сышоў, паведамляем:

Лукашэнка пасля жніўня 20-га адхіліўся ад камунікацыі з ім і паставіў яго на паўзу, пазбягаў, размаўляў толькі афіцыйна. Асяроддзе звязвала гэта з «таксічнасцю» Макея ў дачыненнях з Крамлём.

Лукашэнка рэальна разглядаў новага кандыдата на пасаду кіраўніка МЗС. У Савеце Бяспекі толькі што закончылі праверку трох кандыдатур. Для ўсіх трох атрыманая станоўчая выснова. Апошняе слова заставалася за дыктатарам. «Ракіроўка» павінна была адбыцца адразу пасля саміту АБСЕ.

Контрвыведка КДБ на працягу паўгода вяла ўзмоцненую распрацоўку цэнтральнага апарата МЗС, у тым ліку найвышэйшае кіраўніцтва, намеснікаў і самога Міністра. Хочам адзначыць, што распрацоўку такога ўзроўню чыноўнікаў кантралюе асабіста сам Лукашэнка. Распрацоўка была пачатая пасля атрыманых «сігналаў» з Масквы.

Наяўнасць звестак выведкі сведчыць аб тым, што Лукашэнка «спісаў» свайго вернага памочніка ва ўгоду Крамлю.

Нашы крыніцы схіляюцца да версіі, што Макей сапраўды не вытрымаў нервовага напружання, створанага Лукашэнкам, ведаў, што яго неўзабаве заменяць, а ягонае асяроддзе і ён сам - прадмет распрацоўкі КДБ.

Як чалавек адчувальны, ён у поўным сэнсе «згарэў» ад эмацыйнага і нервовага перанапружання, не вытрымала сэрца.

Адна з крыніц паведаміла аб магчымым самагубстве, бо дом быў ачэплены СБП, і супрацоўнікі МУС атрымалі доступ да справы толькі пасля заканчэння працяглай паўзы. Пакуль гэтая версія не знайшла пацвярджэння.

Крыніцы з СБП паведамілі, што Лукашэнка неапраўдана холадна адрэагаваў на смерць Уладзіміра Макея, успрыняўшы яе як «паскудства», але гэта быў той выпадак, калі псіхапату Лукашэнку больш няма каго пакараць і пасадзіць.