«Атакуюць узводам, большасць гіне, пасля чаго ў бой кідаюць новых»

Акупанты ва Украіне паўтараюць тактыку Другой сусветнай.

Расейскія акупацыйныя войскі на вайне ва Украіне паўтараюць тактыку Другой сусветнай. Яны атакуюць узводам, большасць гіне, пасля чаго ў бой кідаюць новых.

Аб гэтым паведамілі экспэрты партала DeepState. На мяжы з Белгарадам абстаноўка ранейшая.

На Сватаўскім кірунку працягваюцца баі. На Бахмуцкім кірунку - працягваюцца баі ў Спорным.

Акупанты заяўляюць аб яго поўным кантролі, але гэта не адпавядае рэчаіснасці. У раёне Бахмута працягваюцца баі, поспеху вораг не мае. А паўднёвей сітуацыя іншая - украінскія абаронцы адышлі з Андрэеўкі.

У той жа час няма пацвярджэнняў, што вораг узяў пад поўны кантроль Зеленаполле і Курдзюмоўку, але і не выключаецца, што, мяркуючы з лініі фронту, нашы маглі адысці з гэтых вёсак.

На Аўдзееўскім кірунку акупанты пастаянна штурмуюць Невельскі і Першамайскі. У апошнім ворага ўдалося заняць яшчэ 200 метраў населенага пункта, больш падобнага на бетонна-каменнае поле.

На Запарожскім і Таўрычным кірунках сітуацыя змен не зведала.

Адзначаецца, што акупантам удаецца прасоўвацца дзякуючы націску пяхоты. Атакуе вораг колькасцю каля ўзвода, напад заканчваецца гібеллю большасці вайскоўцаў, пасля чаго праз кароткі час ідзе іншы ўзвод, і так цэлы дзень. Каму з акупантаў шанцуе: тыя ідуць у атаку пры падтрымцы танкаў ці на брані.

«Фактычна, нашы салдаты зараз як немцы назіраюць за пародыяй на тактыку савецкага войска ў Другую сусветную. Згадваюцца мемуары аднаго з байцоў «ГросДойчланда», які апісваў атаку савецкіх войскаў: «Спачатку міннае поле штурмуюць бальшавікі азіяцкай знешнасці, усё да аднаго гінуць, пасля гэтага толькі пачынаецца танкавая атака», – дадалі экспэрты.