Лаўроў назваў нечаканай для ўсіх смерць Макея

На пахаванне кіраўнік МЗС РФ не паехаў.

Смерць кіраўніка МЗС Беларусі Уладзіміра Макея стала для ўсіх нечаканасцю, заявіў кіраўнік МЗС РФ Сяргей Лаўроў.

"Трагічная нагода для наведвання Амбасады Рэспублікі Беларусь – заўчасны, зусім нечаканы для ўсіх скон Уладзіміра Уладзіміравіча Макея, міністра замежных справаў, выдатнага дыпламата, дзяржаўнага дзеяча, сапраўднага патрыёта сваёй Радзімы і вялікага, шчырага сябра нашай краіны", – сказаў Лаўроў.

Як раней паведамляў сайт Charter97.org, на пахаванне Макея кіраўнік МЗС РФ пастанавіў не ехаць. З Масквы на цырымонію развітання з кіраўніком МЗС Беларусі даслалі намесніка міністра замежных справаў РФ Андрэя Рудэнку.