3 лютага 2023, Пятніца, 0:10
Сім сім, Хартыя 97!
Рубрыкі

З Бураціі на дапамогу расейскім вайскоўцам адправілі юрты з шаманамі

18
З Бураціі на дапамогу расейскім вайскоўцам адправілі юрты з шаманамі

Сярэднявечнае «падмацаванне» накіраванае ў Данецкую вобласць Украіны.

Расейскім акупантам на фронт адправяць шаманаў разам з юртамі і кастаправамі. Такая «дапамога» паступіць «другому войску свету» з Бураціі.

Пра гэта паведамляе «Сібір Рэаліі».

Адзначаецца, што юрты былі зробленыя мясцовымі грамадскімі работнікамі. А прадстаўнікі «Гунскага фонду» прывязуць іх расейскім вайскоўцам, якія знаходзяцца ў Старабешаўскім раёне Данецкай вобласці.

Прадстаўнікі фонду адзначылі, што такія юрты выкарыстоўваліся 16 стагоддзяў таму для вайсковых паходаў. Са слоў кіраўніка фонду Алега Булутава, акрамя абрадаў шаманы і барашыны (кастаправы) змогуць надаваць параненым расейскім акупантам медыцынскую дапамогу.

Устанаўліваць юрты плануюць бліжэй да тэрыторыі, дзе вядуцца баявыя дзеянні.

Варта адзначыць, што Бурація з'яўляецца адным з лідараў сярод расейскіх рэгіёнаў у колькасці афіцыйна пацверджаных загінулых на вайне ва Украіне.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».