Украінскі беспілотнік атакаваў расейскі аэрадром у Курску

Маштабны пажар бачаць з розных частак горада.

Ужо другі дзень расейскія аэрадромы атакуюць украінскія беспілотнікі. Сёння дрон атакаваў авіябазу ў Курску.

Як паведаміў губернатар Курскай вобласці Раман Старавойт, у выніку атакі дрона загарэўся нафтаназапашвальнік. Пажар ліквідуюць. Адзначым, што пажар на авіябазе даволі маштабны. Яго бачылі жыхары розных частак горада.

Раней сайт Charter97.org пісаў аб нападах дронаў на аэрадромы ў Энгельсе і Разані. У суме былі пашкоджаныя тры самалёты. Украіна не прызнае напады сваіх беспілотнікаў на расейскія авіябазы.