Агент «Валет»: дзяржаўная газэта «Сельская праўда» апублікавала дакумент пра вербаванне Лукашэнкі

Фатафакт.

Учора з'явілася інфармацыя, што дыктатар Беларусі Аляксандр Лукашэнка ў 1987 годзе быў завербаваны ў Камітэт дзяржаўнай бяспекі (КДБ) СССР як агент пад псэўданімам "Валет".

У характарыстыцы Лукашэнкі пад грыфам "цалкам сакрэтна" сказана, што ўзурпатар "надзвычай хітры", схільны да інтрыг і прагі ўлады над навакольнымі.

«У рабоце з агентам варта выяўляць асцярожнасць, бо «Валет» быў неаднаразова заўважаны ў выкарыстанні супрацоўніцтва з органамі КДБ у сваіх інтарэсах, у тым ліку парахунках са злоснікамі», - адзначана ў характарыстыцы.

Акрамя таго, у дакуменце сказана, што Лукашэнка "ласы да жанчын", у тым ліку да непаўналетніх. Таксама ён неаднаразова выкарыстоўваў сваё службовае становішча падчас заляцанняў.

Дзяржаўная газэта "Сельская праўда" таксама апублікавала дакумент пра вербаванне Лукашэнкі КДБ СССР. Прапагандысты паспрабавалі зняпраўдзіць сапраўднасць дакумента, аднак пераканаўчых довадаў не далі.

«Як сказаў бы эксперт, «фальшыўка, зробленая ў Польшчы», - піша дзяржаўная газэта.

Газэце не спадабалася чарніла, якім напісаны дакумент.

«Хоць аўтары фальшыўкі і выкарыстоўвалі тэрміналогію той эпохі, але вось з чарнілам селі ў лужыну (хочацца верыць, што чарнільную)», - адзначылі прапагандысты.