На Мікалаеўшчыне ідуць актыўныя баявыя дзеянні
2- 11.03.2022, 21:12
- 19,322
УСУ з новымі сіламі знішчаюць ворага.
Пад сялом Гур'еўка (на поўнач ад Мікалаева) украінскія абаронцы выбіваюць варожыя войскі, ідуць баі.
Пра гэта паведаміў кіраўнік Мікалаеўскай АДА Віталь Кім у Telegram.
Кім звярнуўся да жыхароў навакольных населеных пунктаў не фатаграфаваць украінскую вайсковую тэхніку, бо УСУ ў гэтым раёне атрымалі падмацаванне, вядуць актыўнае знішчэнне сіл агрэсара і збіраюцца прасоўвацца наперад.
«Ідуць актыўныя баявыя дзеянні пад Гур'еўкай. Мы спрабуем выбіваць іх далей. Частка з іх бяжыць, частка спрабуе ўцячы.
Калі ласка, не фатаграфуйце, не здымайце відэа! Не палохайцеся, перасоўваюцца нашы. Мы рухаемся, займаемся сваімі справамі. Усё ў парадку».