Паранены акупант назваўся ўкраінцам і рабіў выгляд, што страціў памяць

Ён планаваў уцячы з украінскай бальніцы.

Расейскі жаўнер, якога кінулі параненым на полі бою, рабіў выгляд, што страціў памяць. Вынаходлівага расейца выкрылі.

Пра гэта гаворыцца ў Telegram-канале Днепр областной.

Паранены мужчына з амнезіяй з'явіўся ў адной з бальніц Крывога Рога. Сваякоў мужчыны шукалі ў сацыяльных сетках.

Родных псеўдаўкраінца не знайшлі, але ідэнтыфікавалі яго асобу. Пацыентам бальніцы выявіўся расейскі акупант, якога параненым пакінулі на полі бою.

Захопнік выжыў і прыдумаў спосаб пазбегнуць адказнасці. Расеец пераапрануўся ў цывільнае адзенне, назваўся параненым украінцам, які нібыта нічога не памятае. Пасля ён планаваў уцячы з бальніцы і з Украіны.