Украінскія байцы зноў перашкодзілі расейцам фарсіраваць Северскі Данец

Ужо дзявятым разам.

Украінскія дэсантнікі разбурылі пантонныя пераправы і дзявятым разам перашкодзілі расейцам фарсіраваць раку Северскі Данец. Падчас вайсковай аперацыі байцы знішчылі больш за 70 адзінак тэхнікі РФ.

Пра гэта паведамляе РБК-Украина са спасылкай на 80 асобную дэсантна-штурмавую брыгаду ДШВ УСУ.

Між іншым, падчас аперацый было знішчана сама меней 73 адзінкі тэхнікі, сярод іх:

танкі Т-72;

баявыя машыны пяхоты;

баявыя машыны дэсанта;

бронетранспарцёры;

грузавыя аўтамабілі і іншая спецтэхніка.

Нягледзячы на страты, часткі войскаў РФ удалося прарвацца і пераправіцца на іншы бераг. Замацавацца на пазіцыях ім перашкодзілі штурмавыя падраздзяленні 80 брыгады.

«Жорсткія цяжкія баі працягваліся блізу двух дзён. Дзякуючы прафесіяналізму, зладжанасці і навыкам асабовага складу ў карыстанні ПТРК «Джавелін» і «NLAW» байцы добра далі «па зубах» акупантам, якія ўцякаючы наважылі пакінуць нам зброю і маёмасць. Дэсантнікі знішчылі цэлую батальённа-тактычную групу захопнікаў», - гаворыцца ў паведамленні.

Акрамя таго, адзначаецца, што зараз ад расейскай мотастралковай брыгады засталася толькі згарэлая і патопленая тэхніка і раскіданыя целы вайскоўцаў.