Якое надвор'е чакае беларусаў на тыдні?

Прагноз надвор'я на 17-19 траўня.

17 траўня надвор'е ў Беларусі будзе вызначаць халодная няўстойлівая паветраная маса. Пераменная воблачнасць, піша pogoda.by.

Уначы пераважна без ападкаў, раніцай і ўдзень у многіх раёнах краіны пройдуць кароткачасовыя дажджы, месцамі магчымы навальніцы. Вецер паўночна-заходні сярэдні, удзень парывісты, у асобных раёнах моцны парывісты. Тэмпература паветра мінімальная ўначы +1..+7°С, на поўдні краіны ў асобных раёнах да +9°С, месцамі ў паўночна-заходняй палове рэспублікі на глебе чакаюцца замаразкі 0..-2°С; максімальная тэмпература паветра ўдзень +11..+17°С.

18 траўня ўначы і раніцай захаваецца ўплыў няўстойлівай паветранай масы, удзень рэспубліка ў асноўным будзе ў галіне павышанага атмасфернага ціску. Воблачна з прасвятленнямі. Уначы і раніцай месцамі, удзень на крайнім паўднёвым усходзе краіны пройдуць кароткачасовыя дажджы. Вецер паўночна-заходні, паўночны парывісты. Тэмпература паветра мінімальная ўначы +2..+7°С, максімальная ўдзень +12..+18°С.

19 траўня варункі надвор'я будзе вызначаць вобласць павышанага атмасфернага ціску. Пераменная воблачнасць. Без ападкаў. Вецер паўночна-заходні, заходні сярэдні. Тэмпература паветра мінімальная ўначы +1..+7°С, на глебе месцамі ў краіне чакаюцца замаразкі 0..-2°С; максімальная ўдзень будзе знаходзіцца ад +15°С на паўночным усходзе да +23°С на поўдні і паўднёвым захадзе краіны.