Брытанская разведка: РФ збіраецца перакінуць свае знясіленыя ў Марыупалі войскі без падрыхтоўкі

Крэмль спяшаецца і не збіраецца марнаваць час на сваіх вайскоўцаў.

Краіна-агрэсар РФ можа перакінуць свае сілы з Марыупаля каб узмацніць аперацыі на Данбасе.

Расейскія войскі, якія наступалі на ўкраінскіх абаронцаў у горадзе, знясіленыя. Аднак у РФ не збіраюцца марнаваць час на тое, каб пераабсталяваць іх. Такія звесткі брытанскай разведкі апублікавала Мінабароны Вялікабрытаніі.

«Пасля таго, як Расея засцеражэ Марыупаль, магчыма, яна перакіне свае сілы для ўзмацнення аперацый на Данбасе. Пастаянны супраціў украінцаў у Марыупалі з пачатку вайны азначае, што расейскія сілы ў гэтым раёне павінны быць пераабсталяваны і адрамантаваны, перш чым іх можна будзе эфектыўна перадыслакаваць», - адзначаецца ў паведамленні.

Аднак у брытанскай разведцы адзначаюць, што РФ хоча перадыслакаваць войска без належнай падрыхтоўкі. Бо перадыслакацыя можа быць працяглым працэсам, а ў Крамлі не жадаюць марнаваць шмат часу.

На камандаванне расейскага войска ціснуць зверху, бо кіраўніцтва РФ чакае дасягнення аператыўных мэт.

«Гэта азначае, што Расея, магчыма, хутка пераразмяркуе свае сілы без належнай падрыхтоўкі, што пагражае далейшым знясіленнем сіл», – падкрэслілі ў разведцы Вялікабрытаніі.

Таксама ў брытанскай разведцы паведамілі, што з Азоўсталі, магчыма, выйшла амаль 1700 украінскіх вайскоўцаў, і невядома, колькі абаронцаў Украіны яшчэ застаюцца на тэрыторыі металургічнага камбіната.