Медыкі назвалі самыя карысныя прадукты для суставаў

Спецыялісты далі важныя рэкамендацыі.

Остэаартрыт - самая распаўсюджаная форма артрыту, пад якую падпадаюць усе суставы ў чалавечым арганізме, піша medicina.ua. Часцей за ўсё ад гэтага захворвання цярпяць калені, хрыбет, рукі ды сцёгны. Каб аблегчыць свой стан, трэба не толькі выконваць прадпісанні лекара і прымаць лекавыя прэпараты, але і перагледзець свой рацыён.

Якія прадукты маюць быць у вашым рацыёне?

Пэўныя прадукты ўмацоўваюць злучальную і касцявую тканку, дапамагаюць арганізму пераадольваць захворванні ды запаленчыя працэсы. Калі ваш дыягназ - остэаартрыт, канечне ежце белую тлустую рыбу, якая змяшчае вялікую колькасць Амега-3 квасу. Поліненасычаны тлусты квас валодае выяўленай супрацьзапаленчай уласцівасцю. У дадатак да рыбы абавязкова ўжывайце алей авакада, аліўкавы алей, якія зніжаюць узровень халестэрыну ў крыві.

На вашым стале маюць быць якасныя малочныя прадукты, багатыя на кальцый, пратэіны ды вітаміны. Яны падвысяць трываласць касцявога апарата і палегчаць болевы сіндром пры астэаартозе. Не забывайце аб ліставой гародніне, напрыклад, мангольдзе. Яна багатая на антыаксідантныя і фітахімічныя рэчывы, дапамагае кальцыю абсарбавацца, а імуннай сістэме працаваць без перавынкаў.

Даць рады абвастрэнню остэаартрыту дапаможа брокалі. У ім змяшчаецца вялікая колькасць сульфорафану, які запавольвае прагрэсаванне захворвання. Таксама раім адмовіцца ад кавы, замяніўшы яе якаснай зялёнай гарбатай. Зялёная гарбата запавольвае хуткасць пашкоджання храстка і памяншае запаленчы працэс. Таксама раім уключыць у штодзённы рацыён арэхі, часнок. Яны павялічваюць ахоўныя ўласцівасці арганізма.

Ад чаго лепш адмовіцца пры остэаартрыце?

Остэаартрыт - гэта запаленчы працэс, і некаторыя харчы здольныя запаленне памяншаць, а іншыя, наадварот, узмацняць. Імкніцеся ўнікаць цукру, які выклікае вызваленне цытакіну, які пагаршае запаленне. Звядзіце да мінімуму ўжыванне чырвонага мяса, якое негатыўна ўплывае на стан тлушчавай і храстковай тканак. Тое ж самае тычыцца белага рысу і простых вугляводаў.

Апроч страў-ахоўнікаў існуюць і кулінарныя інгрэдыенты, якіх варта ўнікаць. Так, насычаныя тлушчы і алеі робяць негатыўны эфэкт не толькі на суставы, але й на сэрцава-судзінную сістэму, спрыяюць набору вагі. Тое ж тычыцца і так званых транс-тлушчаў (гідрагенізаваныя аналагі раслінных тлушчаў). Яны часта сустракаюцца ў гатовых соусах, смажаным фаст-фудзе, бутэрбродных пастах. Багацце вугляводаў у ежы абцяжарвае нашу пячонку, што часта прычыняецца да запаленняў у нашым целе.