Моцны вецер у Менску паваліў дрэвы

Паваленыя мінімум пяць дрэў.

Раніцай 21 чэрвеня моцны вецер паваліў у Менску некалькі дрэў. У каментарыі агенцтву "Минск-Новости" кіраўніца службы добраўпарадкавання і ўтрымання аб'ектаў зялёнай гаспадаркі УП "Мінскзелянбуд" Кацярына Кароткіна сказала, што азеляняльнікі знайшлі пяць паваленых дрэў на тэрыторыях, за якія яны адказваюць.

Адное з іх вывернула ў Лошыцкім парку, яшчэ па два - у Маскоўскім і Ленінскім раёнах.

Дарэчы, сёлета стыхія не першы раз ужо выварочвае дрэвы ў сталіцы. У студзені непагадзь паваліла ў Менску больш за 900 дрэў, а ў траўні вецер паваліў яшчэ больш за 200.