WSJ: РФ не зможа атакаваць поўдзень Украіны, бо страціла кантроль над выспай Змяінай

Перамога Украіны ў баях за выспу Змяіную аслабіла расейскую блакаду Чорнага мора.

Перамога Украіны ў баях за выспу Змяіную аслабіць расейскую блакаду Чорнага мора. Пра гэта паведамляе Wall Street Journal (пераклад - glavred.info).

Акупацыя выспы была прыярытэтам для РФ з самага пачатку вайны ва Украіне. Пасля таго, як украінскае войска патапіла крэйсер "Масква", выспа пачаў выконваць функцыі флагмана. РФ пачала разгортваць там ракетныя сістэмы, а таксама абсталяванне для вядзення радыёэлектроннай барацьбы.

Усё гэта абмяжоўвала магчымасці Кіева ў Чорным моры. Акупанты на выспе Змяінай прыкрывалі расейскія баявыя судны, якія РФ выкарыстоўвала для нанясення ўдараў па ўкраінскай тэрыторыі.

Акрамя таго, Пуцін выкарыстаў выспу, каб пагражаць гандлёвым суднам, якія плывуць у порт Адэсы і з яго.

Войскі Расеі пад ударам УСУ адступілі з выспы Змяінай

У Аператыўным камандаванні Поўдзень 30 чэрвеня заявілі, што войскі Расеі выйшлі са Змяінай пасля неаднаразовых удараў з боку УСУ па іх пазіцыях на акупаванай выспе. Вораг вымушаны быў спешна эвакуавацца на двух хуткасных катарах.

Гетман ўкраінскім войскам Валерый Залужны пацвердзіў звесткі аб тым, што расейскія акупанты пакінулі выспу Змяіную. Вайсковы кіраўнік апублікаваў відэа ўдараў па войсках РФ на выспе.

У Мінабароны РФ "арыгінальна" растлумачылі выхад сваіх войскаў з выспы Змяінай. Маўляў, гэта жэст добрай волі.

Дарадца кіраўніка Офіса прэзідэнта Украіны Міхаіл Падаляк адзначыў, што Расея, здаецца, паважае толькі мову сілы. Паводле ягоных слоў, каб Масква часцей дэманстравала "добрую волю", трэба "сістэматычна яе біць".