У Тульскай вобласці сышлі з рэек 12 вагонаў таварнага цягніка

Рэйкавая вайна ў РФ убіраецца ў сілу.

Дванаццаць вагонаў таварнага цягніка сышлі з рэек ва Узлоўскім раёне Тульскай вобласці, паведаміў "Інтэрфаксу" прэсавы сакратар Тульскага аддзялення чыгункі Алег Труноў.

Ён дадаў, што імаверная прычына надзвычайнага здарэння - гэта "дзеянні трэціх асоб пры крадзяжы металу з таварнага цягніка". Адзін з іх загінуў, сказаў Труноў.

У прэсавай службе Галоўнай управы МНС Тульскай вобласці Расеі журналістам пацвердзілі, што ў выніку здарэння ёсць загінулы.

Следчымі органамі Заходняга міжрэгіянальнай следчай управы на транспарце Следчага камітэта РФ арганізаваная даследчая праверка. Следчыя адзначаюць, што, паводле папярэдніх звестак, двое мужчын, спрабуючы скрасці цяжар (метал), які перавозіўся, скідалі яго падчас руху таварнага цягніка. У нейкі момант фрагмент металу патрапіў пад колы цягніка, ад чаго перакуліліся вагоны.

У сувязі з інцыдэнтам рух цягнікоў на адцінку Вузлавая-3 – Жданка часова прыпынены. Так, у дарозе затрымліваюцца пасажырскія цягнікі 479 Санкт-Пецярбург – Сухумі, 148 Адлер – Мурманск.