У Пуціна з'явіўся новы страх

Бяда ў Крэмль прыйшла, адкуль не чакалі.

Расейскі дыктатар Уладзімір Пуцін адчуў страх, калі ў Крэмль прыйшла афіцыйная просьба аб ваеннай дапамозе ў рамках АДКБ з ахопленага масавымі пратэстамі Узбекістана. Пра гэта заявіў у эфіры ТСН вядомы ваенны эксперт Алег Жданаў.

"Рэч у тым, што ёсць інфармацыя: Пуцін быў напружаны і баяўся, што Узбекістан запросіць ваеннай дапамогі. Чаму? Таму што сёння ён не можа аддаць ніводнага салдата. Ён хоча развязаць пытанні частковай, але адкрытай мабілізацыі. Таму што не стае асабістага складу, нават на папаўненне стратаў. Але Узбекістан не звярнуўся ў РФ па ваенную дапамогу. І на сёння ёсць інфармацыя, што там патроху пратэсты сціхаюць і неяк яны пачынаюць пакрысе ўрэгуляваць", ‒ сказаў спецыяліст.

Як кажа Жданаў, магчымасці "дапамагчы" Узбекістану ў расейскага дыктатара няма, паколькі ў войска РФ катастрафічна бракуе асабістага складу для вайны ва Украіне.

Нагадаем, што ў аўтаномнай рэспубліцы Каракалпакстан ва Узбекістане адбыўся рэдкі публічны пратэст супраць запланаванай канстытуцыйнай рэформы, якая зменіць яе статус. У новай рэдакцыі Канстытуцыі больш не будзе згадвацца суверэнітэт Каракалпакстана ці права на аддзяленне.

Масавыя пратэсты ўспыхнулі ўжо 1 ліпеня. Паводле папярэдніх звестак, мітынгі жорстка разганяюць, у выніку ёсць пацярпелыя і, магчыма, загінулыя.