У Беларусі з 1 верасня абновяць нормы ацэнкі ў школах

Падрабязнасці расказалі ў Нацыянальным інстытуце адукацыі.

Дырэктарка Нацыянальнага інстытута адукацыі кандыдатка педагагічных навук Валянціна Гінчук у інтэрв'ю БелТА паведаміла, што ў Беларусі з 1 верасня 2022 года будуць абноўлены нормы ацэнкі школьнікаў і патлумачыла, што менавіта зменіцца.

Паводле слоў Гінчук, ацэнка вынікаў вучэбнай дзейнасці з 2002 года ажыццяўляецца ў балах па дзесяцібальнай шкале з улікам пяці ўзроўняў вучэбнай дзейнасці.

- Дзеянні на пазнаванне, распазнаванне паняццяў; дзеянні для ўзнаўлення навучальнага матэрыялу на ўзроўні памяці; дзеянні на ўзнаўленне навучальнага матэрыялу на ўзроўні разумення, - сказала яна.

Гінчук дадала, што таксама ёсць узровень дзеяння ў выкарыстанні ведаў у знаёмай сітуацыі паводле ўзору і дзеянні для выкарыстання ведаў у незнаёмых, нестандартных сітуацыях для развязання якасна новых задач.

Дырэктарка Нацыянальнага інстытута адукацыі звярнула ўвагу на тое, што абноўленыя нормы ацэнкі былі захаваныя агульныя прынцыпы. Размова ідзе аб 10-бальнай сістэме і 5 узроўнях вучэбнай дзейнасці.

Так, Гінчук расказала, што ў 1-х і 2-х класах па ўсіх прадметах, а таксама ў 3-4-х класах па вучэбных прадметах "Музыка", "Маляванне", "Працоўнае навучанне", "Фізічная культура і здароўе" , "Асновы бяспекі жыццядзейнасці" ацэнка вынікаў вучэбнай дзейнасці вучняў, як і раней, будзе ажыццяўляцца на змястоўна-ацэначнай аснове без выкарыстання адзнакі ў балах.

- У вучэбных прадметах "Асновы бяспекі жыццядзейнасці" (5-ы клас), "Мастацтва (айчынная і сусветная мастацкая культура)" (5-9-я класы) атэстацыя ажыццяўляецца з выкарыстаннем адзнак "залічана", "не залічана", - удакладніла Гінчук.

Калі казаць пра новаўвядзенні, то Гінчук адзначыла, што з 2022/2023 навучальнага года станоўчымі будуць лічыцца адзнакі ад 3 да 10 балаў, а нездавальняючымі - 1 і 2 балы.

Паводле слоў Гінчук, абноўленыя нормы ацэнкі вынікаў вучэбнай дзейнасці навучэнцаў адрозніваюцца ад тых, што дзейнічалі тым, што яны прадугледжваюць ацэнку не толькі прадметных адукацыйных вынікаў (ведаў, уменняў, навыкаў, спосабаў дзейнасці), але і метапрадметных адукацыйных вынікаў.

- Уменні крытычна ацэньваць інфармацыю, атрыманую з розных крыніц, разумна інтэрпрэтаваць і выкарыстоўваць яе; уменні інтэграваць веды з розных прадметных галін для развязання практычных задач, - растлумачыла дырэктарка Нацыянальнага інстытута адукацыі.