5 кастрычнiка 2022, Серада, 16:03
Сім сім, Хартыя 97!
Рубрыкі

Беларусь чакае анамальна цёплы тыдзень

1
Беларусь чакае анамальна цёплы тыдзень

Тэмпература чакаецца на 3-6 градусаў вышэйшай за кліматычную норму.

Тыдзень з 15 да 21 жніўня будзе анамальна цёплай другой дэкадай апошняга летняга месяца. Беларускі сіноптык Дзмітры Рабаў адзначыў у прагнозе на АНТ, што навальніц і дажджоў чакаецца не шмат, а тэмпература будзе на 3-6 градусаў вышэйшай за кліматычную норму.

- У пачатку тыдня адаб'ецца ўплыў вобласці высокага атмасфернага ціску, на фоне якога пройдуць малаактыўныя атмасферныя франты. Яны прынясуць пераменную воблачнасць і невялікія кароткачасовыя дажджы, - паведаміў Рабаў.

Удзень у панядзелак будзе +21°С...+28°С, у аўторак і сераду +22°С...+28°С.

У другой палове тыдня над Беларуссю дамінавацьме цыклон з цэнтрам над Балтыйскім морам. Ён прынясе воблачнасць, невялікія кароткачасовыя дажджы і тэмпературу ў дзённыя гадзіны ў чацвер +26°С…+29°С, у пятніцу +26°С…+30°С.

- І, папярэдне - у наступныя выходныя атмасфернымі працэсамі стане кіраваць вобласць высокага атмасфернага ціску, - сказаў Рабаў. - Уначы плюс +13°С…+17°С. Удзень у суботу +25°С…+33°С, у нядзелю +27°С…+34°С.