Што будзе з Херсонам?

Ёсць два магчымыя сцэнары.

Дарадца міністра ўнутраных спраў Украіны Расціслаў Смірноў заявіў, што вайсковыя РФ, якія цяпер знаходзяцца ў Херсоне і вобласці, могуць дзейнічаць паводле аднаго з двух сцэнараў: пачнуць абарону або пастараюцца адкінуць УСУ. Пра гэта ён распавёў падчас эфіру на «24 канале».

«Ёсць два магчымыя сцэнары. Першы - проста перайсці адразу да абароны. Другі - паспрабаваць яшчэ адкінуць Узброеныя Сілы Украіны ўглыб непасрэдна ў Запарожскую, Мікалаеўскую вобласці і захапіць цалкам усю адміністрацыйную мяжу Херсонскай вобласці», - кажа Смірноў і дадае, што акупанты ўжо пачалі ажыццяўляць выведку боем і з дапамогай беспілотнікаў.

Ён адзначыў, што калі расейцы страцяць тэрыторыі, якія ім удалося акупаваць на поўдні, для іх гэта будзе вялікім ударам.

Некаторыя вайсковыя экспэрты дапускаюць, што войскі РФ самастойна пакінуць Херсон і адступяць.