Украінскія марскія пяхотнікі ліквідавалі 16 акупантаў і знішчылі варожую гаўбіцу «Мста-С»

Бой адбыўся на Данецкім кірунку.

Воіны Вайскова-марскіх сіл УС Украіны 18 жніўня знішчылі самаходную гаўбіцу акупантаў «Мста-С». Акрамя таго, сама меней 16 захопнікаў сталі «200-мі».

Пра гэта расказала прэс-служба ВМС Узброеных сіл Украіны ў Facebook. У паведамленні падкрэсліваецца, што марская пяхота ўстойліва і мужна супрацьстаіць расейскім акупантам на замацаваных адрэзках фронту.

Так, на Данецкім кірунку марскія пяхотнікі знішчылі шэсць чалавек жывой сілы ворага.

Акрамя таго, артылерыйскія падраздзяленні ВМС наносілі ўдары па зборы асабовага складу і тэхнікі акупантаў, у выніку чаго 10 захопнікаў забітыя і параненыя, знішчаная адна расейская гаўбіца «Мста-С».

Канчатковыя страты ворага ўдакладняюцца, дадала прэс-служба.

2С19 «Мста-З» - гэта савецкая і расейская 152-мм дывізіённая самаходная гаўбіца, прынятая на ўзбраенне яшчэ ў 1989 годзе. Распрацаваная на Уральскім заводзе транспартнага машынабудавання.