Як лукашысты перашкаджаюць земляробам працаваць
34- 19.08.2022, 19:19
- 27,088
Паказуха нэрвуе працаўнікоў.
У Беларусі працягваецца жніво - традыцыйна, пад пільным назіраннем вертыкалі ўлады, пачынаючы з кіраўніка.
Лукашэнка асабіста інспектуе гаспадаркі ў розных рэгіёнах і дае розныя «каштоўныя» парады міністрам, абласной адміністрацыі, навукоўцам і шараговым камбайнерам. Яго ў адказ сустракаюць караваямі, хлебам з трыцікале, рапсавым і гарчычным алеем, насеннем рапсу.
А следам за дыктатарам "у палеткі" выязджае прэм'ер-міністр, абласныя і раённыя чыноўнікі, мясцовая самадзейнасць…
«Салідарнасць» сабрала некалькі паказальных выяў аб тым, што яшчэ адбываецца ў жніўні-2022 на айчынных нівах.
***
Раман Галоўчанка 19 жніўня адправіўся ў Гомельскую вобласць. Проста на адным з палеткаў дзяўчаты ўручылі яму чырвона-зялёны букет, "дняпроўскі паклон" і ляльку ад майстроў Рагачоўшчыны - сымбаль дабрабыту і багацця (вельмі неабходная рэч для беларускай эканомікі).
Таксама Галоўчанка наведаў у вёсцы Заполлі СУП "Забалацце-2010" і малочнатаварную ферму на 600 галоў. Да гэтага кадра так і просіцца подпіс «прэм'ер - трэці злева».
Прэм'ер так натхніўся, што паабяцаў рэкорднае замежнагандлёвае сальда за год, злавіць пункт рэнтабельнасці ў малочнай галіне і "не пакінуць народ без элітных сартоў сыру".
***
А вось так ушаноўваюць першага «трохтысячніка» на збожжам жніве ў Віцебскай вобласці: павіншаваць героя прыехала ўся мясцовая вертыкаль, ад вобласці да раёна.
***
Гаворыць і паказвае "Чачэрскі веснік": "Усе 7 экіпажаў камбайнаў ААТ "Отар" літаральна ва ўнісон, крок у крок пераступілі тысячную мяжу намалоту збожжа". Павіншаваць земляробаў прыехала раённае начальства і народны калектыў "Чачэрцы". Дыван на палетак прывезлі з сабой або абрабавалі мясцовы ДК, не паведамляецца.
***
У Бабруйскім раёне віншаваць экіпажы маладых механізатараў ААТ "Міхалёўская Ніва" прыехалі дэпутаты раённага маладзёжнага парламента, піша мясцовая "Трыбуна працы". Песні, танцы, мікрафоны, калектыўнае сэлфі для справаздачы:
А гэта ў СВК “Гігант” кіраўнік адміністрацыі кіраўніка Ігар Сяргеенка ацэньвае прадукцыю камбікормавага завода: