Лукашэнка прызнаўся, што ўключаў друкарскі варштат
22- 20.08.2022, 20:59
- 23,426
Дыктатар аддаў распараджэнне старшыню Нацыянальнага банка.
Падчас наведвання гаспадаркі "Жураўлінае" Пружанскага раёна Берасцейскай вобласці Лукашэнка згадаў пра 90-я ў сельскай гаспадарцы Беларусі, піша zerkalo.io.
- Была пастаўленая мною задача, ні ў якім разе не драбніць, - сказаў Лукашэнка, успамінаючы 90-я гады. — Калі б мы тады падзялілі гаспадаркі на драбніцу, мы б загінулі сёння, мы б былі галодныя. Пры той беднасці мы наважылі вяртаць пазыкі народу. А грошай не было. А дзе бралі? А памятаеце тую дзікую інфляцыю і дэвальвацыю нашай валюты. Дэвальвацыя, дэвальвацыя... Сёння я магу ўжо шчыра сказаць, што тады я аддаў распараджэнне старшыню Нацбанка Пятру Пракаповічу: дзе не стане, будзем друкаваць.
- Нікому пра гэта нічога не кажучы, мы, вядома, грошы крыху друкавалі. І аддавалі на праекты аграрныя, - сказаў далей ён.
Нагадаем, ад пачатку незалежнасці Беларусі адбылося тры дэнамінацыі. Без іх адзін даляр цяпер каштаваў бы 257,05 мільёна рублёў. А сярэдні заробак за чэрвень - 162,65 мільярда рублёў.