Як і дзе беларусы зараз магу атрымаць шэнгенскую візу

Візавыя дакументы прымаюць лічаныя цэнтры і амабасады.

Ахвочых атрымаць шэнген сярод беларусаў менш не становіцца. З гэтай праблемай візавыя цэнтры сутыкнуліся яшчэ вясной, з таго часу чэргі сталі толькі большымі. Зрэшты, аформіць жаданы "пропуск" у ЕЗ усё ж можна, праўда, варыянтаў не так шмат, як хацелася б, піша zerkalo.io.

Злавіць свабодную дату для падачы дакументаў у візавы цэнтр або пасольства нерэальна: усе існыя варыянты былі зарэзерваваныя турфірмамі і іншымі пасярэднікамі да канца 2022 года. Цяпер жа большасць шукальнікаў шэнгену звяртаецца па паслугі да іх.

«Можам запісаць за 500 рублёў на кастрычнік - гэта вельмі добры варыянт»

Цяпер візавыя дакументы ў Беларусі прымаюць лічаныя цэнтры і амбасады - Польшчы, Грэцыі, Італіі, Вугоршчыны, Нямеччыны, Славакіі, Даніі.

«Ёсць польскія працоўныя візы, але цяпер мы не запісваем новых кліентаў у сувязі з вялікімі чэргамі. Ёсць рэальныя варыянты праз Грэцыю, Італію і Гішпанію. Запіс на кастрычнік-лістапад, хоць у грэцкі цэнтр рэальна трапіць нават у канцы верасня», - распавядае спецыяліст аднаго з агенцтваў Менска, які надае візавую падтрымку.

Паводле ягоных слоў, варыянт з Грэцыяй зараз самы характэрны: цалкам магчыма атрымаць візу на год ці на два. Паслугі агенцтва ў запісе і запаўненні анкеты недарагія - «усяго» 250 рублёў, плюс 35 еўраў за консульскі і 30 еўра за сэрвісны збор. Ёсць адно «але»: рэзервацыя гатэляў, авіябілеты і грашовыя гарантыі трэба падрыхтаваць самастойна.

Італьянская віза, тлумачыць суразмоўца, каштавацьме даражэй - толькі за запіс у пасольства на бліжэйшую дату (яна можа быць толькі ў кастрычніку-лістападзе) трэба заплаціць 500 рублёў. Але тут ёсць свае відавочныя плюсы: усе дакументы і ваўчары рыхтуе пасярэднік, дадаткова аплаціць трэба будзе толькі консульскі збор у пасольстве - 35 еўраў.

«Можам запісаць за 500 рублёў на пачатак кастрычніка – гэта вельмі добры варыянт», – акцэнтуюць у кампаніі.

У іншым агенцтве адзначылі, што запіс на падачу дакументаў у грэцкі ВЦ часова прыпынены, у Італію найбліжэйшы запіс будзе на снежань-студзень.

Польшча: віза бясплатная, паслуга - дарагая.

У яшчэ адной турфірме падказалі, што можна аформіць польскую гуманітарную візу - яна бясплатная. Паслуга (запіс і анкета) каштуе ў агенцтве 800 рублёў, віза адкрываецца на 1 год. Запіс у візавы цэнтр на падачу дакументаў магчымы на працягу трох тыдняў.

Вугоршчына: ужо ў 2023 годзе

Візавы цэнтр Вугоршчыны ў Менску аднавіў падачу дакументаў на візу ў красавіку гэтага года. Беларусы рынуліся сюды. Цяпер чарга ў вугорскім візавым цэнтры распісаная да студзеня 2023 года.

«Больш за тое, Вугоршчына катастрафічна скараціла месцы на падачу, вялізныя спісы людзей у чаканнях ва ўсіх агенцтвах. Таму калі зараз рэзерваваць, то толькі на студзень, і то не факт, што ён будзе вольны», - адзначае прадстаўнік агенцтва ў візавай падтрымцы грамадзян.

Гішпанія: па візай - у Маскву

Доўгія гады беларусы афармлялі гішпанскія візы ў візавым цэнтры гэтай краіны ў Менску. Аднак у красавіку ён нечакана зачыніўся. Цяпер, каб зрабіць гішпанскі шэнген, трэба ехаць у Маскву, дзе знаходзяцца пасольства і візавы цэнтр.

Пад гэтую марку некаторыя турфірмы пачалі прапаноўваць шэнген-туры. Нядаўна Гішпанія ўвяла для беларусаў зручную паслугу: пасля таго, як віза будзе гатовая, можна замовіць дастаўку пашпарта з Масквы ў Беларусь. Раней у некаторых кліентаў ВЦ з Беларусі ўзнікалі праблемы: на зваротным шляху пасажыры вярталіся дадому без пашпарта і расейскія памежнікі адмаўляліся прапускаць іх на мяжы.

Нямеччына: чарга да снежня

Пасольства ФРГ у Менску ў пачатку лета аднавіла выдачу віз беларусам. У дыппрадстаўніцтве тлумачылі, што такая пастанова звязаная са скасаваннем каранавірусных абмежаванняў пры ўездзе ў Нямеччыну, іх афіцыйна знялі з 11 чэрвеня.

У пасольства гэтай краіны для падачы дакументаў на візу можна запісацца самастойна праз сайт дыппрадстаўніцтва.

«Запіс у нас праз сістэму онлайн. Яна запоўненая ўжо да пачатку снежня. Перыядычна сістэма абнаўляе нейкія вольныя даты, раз на дзве-тры гадзіны ў працоўны час», — падказалі нам у амбасадзе.

Кошт візы складае 35 еўраў, больш ні за што плаціць не давядзецца. Разгляд дакументаў займае пару тыдняў.

Славакія: падача на месцы

Не так даўно выдачу шэнгенскіх віз беларусам аднавіла пасольства Славакіі ў Менску. Спачатку аформіць шэнген тут маглі сямейнікі грамадзян Еўразвязу, зараз жа выдаюць нават турвізы.

Запісацца ў цэнтр можна як онлайн, так і на месцы - «у межах дзённага ліміту».

«Гэта азначае, што, калі ў кагосьці не прынялі дакументы, нехта не прыйшоў, адпаведна, вы можаце падыходзіць у візавы цэнтр і падаваць свае дакументы. Кошт візы - 35 еўраў консульскі збор, візавы збор - 10 еўраў», - растлумачылі ў кол-цэнтры візавага цэнтра.

Данія: вельмі дарагая віза

У канцы ліпеня выдачу віз у Беларусі аднавіла таксама. Папярэдняя рэгістрацыя ў гэтым візавым цэнтры таксама не патрабуецца, можна прыйсці ў працоўны час ВЦ і падаць дакументы.

Нядаўна візавы цэнтр праінфармаваў, што пачынаючы з 12 верасня візавыя заявы будзе разглядаць пасольства Даніі ў Лондане. Тэрмін дастаўкі дакументаў па маршруце туды і назад можа складаць да 27 працоўных дзён. Пры гэтым з 12 верасня кошт сэрвіснага збору за адну заяву вырас да 76 еўраў.

«Вам неабходна аплачваць візавы збор - гэта 80 еўра, а таксама сэрвісны збор - гэта 76 еўраў, які аплачваецца ў беларускіх рублях, - зарыентавалі ў візавым цэнтры.