Частка супрацоўнікаў Расейскага футбольнага звязу адмовілася вяртацца ў РФ пасля выязнога матчу
11- 27.09.2022, 21:05
- 18,786
Яны не вярнуліся ў РФ на фоне мабілізацыі.
Пяцёра супрацоўнікаў Расейскага футбольнага звязу на фоне мабілізацыі не вярнуліся ў Расею пасля выязнога матча з Кыргызстанам. Пра гэта паведаміў Telegram-канал «Мутко против».
Паводле звестак канала, гаворка пра адміністрацыйны штаб каманды – усе гульцы і трэнеры прыляцелі назад.
Пры гэтым самі чальцы штаба гавораць, што паляцелі ў адпачынак. Як адзначае канал, пасля матчаў зборных многія і раней не адразу вярталіся дадому, а ляцелі адпачываць далей, каб не страчваць час на дарогу. Паводле іхніх словаў, у найбліжэйшыя тыдні ўсе плануюць вярнуцца да працы.
Расейскі футбольны звяз адмовіўся каментаваць інфармацыю пра невяртанне некалькіх супрацоўнікаў у Расею пасля таварыскага матчу з камандай Кіргізіі, пішуць "РІА Навіны".