ISW: Наспявае крах расейскіх войскаў у Ліманскім катле

Шайгу аказаўся не гатовы да акружэння сваёй групоўкі.

УСУ прасунуліся на захад, поўнач і паўночны ўсход ад Лімана і працуюць над заканчэннем ачаплення расейскіх войскаў у горадзе і ўздоўж паўночнага берагу ракі Северскі Данец.

Пра гэта паведамляе Інстытут вывучэння вайны (ISW).

Аналітыкі інфармуюць, што ўкраінскія воіны ўжо могуць нанесці ўдар па пазіцыях і камунікацыях, якія падтрымліваюць ліманскую групоўку ворага.

«Крах ліманскага катла, верагодна, будзе мець сур'ёзныя наступствы для расейскай групоўкі на поўначы Данецкай і захадзе Луганскай абласцей і можа дазволіць украінскім войскам пагражаць пазіцыям РФ уздоўж заходняй мяжы Луганскай вобласці і ў раёне Севераданецка – Лісічанска», – адзначылі ў ISW.

У Шайгу не падрыхтавалі расейцаў да страты Лімана

Спецыялісты падкрэслілі, што Мінабароны Расеі не змагло інфармацыйна падрыхтаваць сваё насельніцтва да неўнікнёнай паразы ў Лімане. Верагодна, гэта прывядзе да яшчэ большага паніжэння і без таго нізкага баявога духу грамадзян РФ.

У Інстытуце вывучэння вайны растлумачылі, што пасля паспяховага контрнаступу УСУ ў Харкаўскай вобласці гэта будзе яшчэ адзін удар, які прадоўжыць разбураць маральнае становішча і наносіць паніку сярод вайскоўцаў Расеі.

«Абураная рэакцыя расейскай інфармацыйнай прасторы, верагодна, згуляла сваю ролю ў тым, што Пуцін абвясціў частковую мабілізацыю неўзабаве пасля першага маштабнага контрнаступу Украіны, спрабуючы ўзмацніць падраздзяленні войска РФ», – дадалі аналітыкі.

Больш падрабязна пра контрнаступ УСУ ў раёне Лімана

У ISW расказалі, што 28 верасня ўкраінскія войскі прадаўжалі дамагацца значных поспехаў вакол Лімана, наступаючы з поўначы ўздоўж дугі Зялёная Даліна – Калодзязі і з паўднёвага ўсходу ў раёне Ямполя. Такім чынам, УСУ:

узялі пад кантроль Зялёную Даліну (15 км на поўнач ад Лімана) і прасунуліся на ўсход, каб узяць пад кантроль Калодзязі (11 км на паўночны ўсход ад Лімана);

прасунуліся на паўднёвы ўсход ад Калодзязяў і вядуць баі ў наваколлях Торскага, усяго за 12 км на паўночны ўсход ад Лімана;

сабраліся ля Ямполя (13 км на паўднёвы ўсход ад Лімана) і прарвалі там расейскія абарончыя рубяжы, каб прасунуцца на Торскае з паўднёвага захаду;

атакуюць Шандрыгалава, прыкладна за 10 км на паўночны захад ад Лімана;

вызвалілі Навасёлаўку, на поўдзень ад Шандрыгалава і за 10 км на паўночны захад ад Лімана;

спрабуюць узяць пад кантроль дарогу Сватава – Ліман, цяпер крытычную наземную лінію сувязі (GLOC) для расейскай групоўкі ў Лімане.