Як беларусам зэканоміць на «камуналцы»

Некалькі дзейсных спосабаў.

Як знізіць выплаты за жыллёва-камунальныя паслугі? У кожнага гаспадара свае спосабы. «АиФ» выдзелілі найбольш папулярныя, а таксама не зусім відавочныя.

1. Абмяняць вялікую кватэру на меншую. Гэта самы кардынальны, але і, мабыць, самы дзейсны спосаб паменшыць выплаты, бо за некаторыя паслугі мы плацім менавіта зыходзячы з метражу жылля. У гэты спіс уключаныя тэхнічнае абслугоўванне, капітальны рамонт, тэхабслугоўванне ліфта, санітарнае ўтрыманне дапаможных памяшканняў і іншыя.

2. Выпісаць «мёртвыя душы». Плата за некаторыя паслугі ў рахунку залежыць ад колькасці зарэгістраваных у кватэры жыхароў. Праверце: магчыма, у доме прапісана больш людзей, чым фактычна ў ім пражывае.

3. Аформіць ільготы. Зніжкі маюць розныя катэгорыі льготнікаў. Напрыклад, грамадзяне з нізкім узроўнем даходу пры выкананні шэрагу ўмоў могуць разлічваць на субсідыю пры аплаце «камуналкі». У асноўным яна прадугледжаная тым, у каго лічбы ў рахунку без перавышэння льготных нарматываў складаюць больш за 20% сукупнага даходу сям'і (калі сям'я пражывае ў сельскай мясцовасці - 15%). Звярніцеся ў разлікова-даведачны цэнтр і праверце, можа, вы льготнік?

4. Адключыць непатрэбныя паслугі. Зрабіце рэвізію: магчыма, у рахунку ёсць паслугі, якімі па факце не карыстаецеся, але працягваеце за іх рэгулярна плаціць.

5. Агледзьцеся па баках. Як правіла, чым больш сучаснай тэхнікі ў вас у кватэры, тым больш можна зэканоміць на спажыванні электраэнэргіі. Да прыкладу, састарэлая лядоўня класа «С» спажывае за год 550 кВт*г, а мадэль найвышэйшага класа з падобным аб'ёмам камеры – толькі 260 кВт*г». Розніца адчувальная.

Але гэта датычыцца хутчэй тых, хто даўно разважае над абноўкай і ў каго ёсць сродкі для яе набыцця. Аднак неабавязкова набываць новую тэхніку, каб зэканоміць. Калі ўзяць у прыклад тую ж лядоўню, то, напрыклад, назапашаная ў ёй наледзь зніжае эфектыўнасць прыбора, а, такім чынам, электрычнасць шмат у чым спажываецца марна. Выснова адна - размарозьце лядоўню.