«Пакажу жонцы, а то яна гаворыць, што ўсе беларусы кепскія»

«Каліновец» расказаў, як ва Украіне ставяцца да беларускіх добраахвотнікаў.

У вялікім інтэрв'ю для сайта Charter97.org камандзір батальёна «Волат» палка Каліноўскага Ян «Беларус» Мельнікаў расказаў, як ва Украіне ставяцца да беларускіх добраахвотнікаў:

– Украінцы, з якімі я ваяваў, ведаюць мяне не першы год. Калі наша група прыбыла ў той жа Васількоў, мы прыехалі ў будынак разбітай казармы лётнай вучэльні, занялі пазіцыі, забарыкадаваліся, чакалі падыходу сілаў, размаўлялі і расказвалі, што мы – беларусы. Касцяк тых сілаў, які ўдзельнічаў у першых выездах, ваяваў ва Украіне з 2014, 2015, 2016 гадоў. Гэта былі хлопцы, якія прайшлі АТА. Нам усе дзякавалі і радаваліся, што вось вы – сапраўдныя беларусы. Казалі: «Дзякуй, што вы ёсць».

– Як украінскія вайскоўцы ацэньваюць узровень падрыхтоўкі беларусаў?

– Калі мы праводзілі нейкія аперацыі саматугам, штурмавалі варожыя пазіцыі, малымі групамі заходзілі і выконвалі задачу, маючы аднаго-двух параненых, захоўваючы жыцці нашым байцам, украінцы дзівіліся нашай матывацыі і ўзроўню падрыхтоўкі.

Яны разумеюць, што ў нас вельмі вялікі ўзровень матывацыі дзеянняў, бо мы самі добраахвотна прыехалі ў самы гарачы пункт і фактычна самі сабе выбіраем кірунак працы.

Вобразна кажучы, звязваемся з сумежным падраздзяленнем, які трымае фронт, і разумеем, на якім пункце будуць найболей паспяховымі нашы дзеянні ў стрымліванні ці адкіданні ворага з ужо занятых пазіцый.

Таму да беларусаў – толькі павага. Было такое, што з намі людзі фатаграфаваліся і гаварылі: «Пакажу жонцы, а то яна кажа, што ўсе беларусы дрэнныя».