Сотні расейцаў штодня дастаўляюць у моргі Данецка

Месца крытычна не стае.

Паводле інфармацыі, атрыманай ад украінскага падполля, праз няўдалыя штурмы расейскіх акупацыйных войскаў, акупанты нясуць вялікія страты – сотні целаў расейцаў штодня дастаўляюць у моргі Данецка.

Паколькі ў моргах крытычна не стае месца, целы расейскіх вайскоўцаў складаюць у калідорах і ў дварах моргаў, адзначаецца ў паведамленні Цэнтра нацыянальнага супраціву.

«Мясцовыя супрацоўнікі б'юць трывогу праз пагрозу эпідэмічнага ўсплёску інфекцыі, паколькі целы акупантаў складаюць у калідорах, на вуліцы і ў іншых памяшканнях, якія не прыстасаваныя для адпаведнага захоўвання», – падкрэслілі ў Цэнтры нацсупраціву.

Акрамя няўдалых штурмаў, акупанты нясуць страты праз працу партызанаў, гаворыцца ў паведамленні.