У Смаргоні футбаліст зрабіў прапанову рукі і сэрца прама падчас матчу

Павел Рэшкевіч забіў гол і накіраваўся з кветкамі да сваёй абранніцы.

У Смаргоні футбольны матч перапынілі на прапанову рукі і сэрца. Яе сваёй дзяўчыне Кацярыне зрабіў нападаючы мясцовага клуба «Мядзведзі» Павел Рэшкевіч. Гэта адбылося пасля таго, як малады чалавек забіў гол у вароты суперніка. Пра рамантычны эпізод піша раённая газета «Светлы шлях».

У суботу, 15 жніўня, падчас гульні чэмпіянату Беларусі сярод каманд другой лігі смаргонскія «Мядзведзі» прымалі дома ФСК «Гродзенскі» са Скідзеля. Рахунак у матчы адкрыў Павел Рэшкевіч. Пасля таго як футбаліст павіншаваў партнёраў па камандзе з голам, ён накіраваўся не да цэнтра поля, а да лаўкі запасных. Там ён узяў загадзя падрыхтаваны букет і падбег да трыбуны. Неўзабаве да яго выйшла Кацярына. Хлопец апусціўся на адно калена і задаў дзяўчыне галоўнае пытанне. Яна адказала: «Так».

Пазней ужо нявеста распавяла журналісту выдання, што здагадвалася пра прапанову, але не чакала атрымаць яе падчас гульні.

— Думала, што гэта можа здарыцца заўтра, на спатканні, або пасля футбольнага матчу, — сказала дзяўчына.

Пара пазнаёмілася каля пяці месяцаў таму, а сустракаецца прыблізна тры. Паводле слоў Кацярыны, Павел з самага пачатку адносінаў клапаціўся пра яе: забіраў яе пасля працы, прыгожа заліцаўся.

— Ён са мной вельмі мілы, пяшчотны і клапатлівы. Шчыра, мяне пакарылі яго ўчынкі, — прызналася яна.

Для Паўла гэты дзень стаў асаблівым не толькі праз важны гол. Ён хацеў зрабіць прапанову Кацярыне так, каб яна запомніла гэты момант на ўсё жыццё. Футбаліст прызнаўся, што пасля завяршэння імправізаванай цырымоніі працягваць гульню было няпроста: эмоцыі зашкалівалі, а галоўная матывацыя ўжо была дасягнута.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com