Каледжы следам за ВНУ сталі паднімаць кошты за навучанне

Вучыцца ў Беларусі становіцца ўсё даражэй.

Пасля таго, як з'явілася навіна, што з 1 снежня ВНУ паднялі кошты на навучанне, чытач паведаміў “Зеркалу”, што іх каледж гэта таксама закранула. "У Менскім дзяржаўным каледжы лічбавых тэхналогій кошт таксама ўзнялі", — напісаў чытач. У навучальнай установе інфармацыю пацвердзілі.

— Дакладную суму павышэння пакуль не ведаю, дадатковае пагадненне яшчэ не давалі, але аплату за снежань выставілі на 50 рублёў больш, чым у мінулым месяцы, — паведаміў чытач.

У Менскім дзяржаўным каледжы лічбавых тэхналогій, куды журналісты патэлефанавалі як бацькі навучэнца, ім пацвердзілі, што цяпер за навучанне давядзецца плаціць больш.

- З 1 снежня ў нас падвышаецца кошт навучання ў каледжы. Загад аб гэтым ваша дзіця можа атрымаць у свайго куратара, - адзначылі ў навучальнай установе.

На сайце каледжа пакуль няма інфармацыі аб новых расцэнках.

А вось Менскі дзяржаўны архітэктурна-будаўнічы каледж, які з'яўляецца філіялам БНТУ, такія звесткі ўжо апублікаваў. Тут вучні 1 і 2 курсаў з 1 снежня будуць плаціць за год навучання на 295 рублёў больш. Агулам змены ў коштах выглядаюць так:

Інфармацыя аб павышэнні платы за навучанне з'явілася таксама на сайце Мінскага радыётэхнічнага каледжа, які з'яўляецца філіялам БДУІР.

З 1 снежня таксама падвышаюць кошты і ў Віцебскім медыцынскім каледжы, куды журналісты таксама патэлефанавалі як бацькі навучэнца. Ніякіх дакладных лічбаў там не назвалі, але ўдакладнілі, што падвышэнне складзе "даслоўна 20 рублёў у месяц".

— [Для гэтага] з кожным студэнтам будуць укладзеныя дадатковыя пагадненні, — паведамілі ў навучальнай установе, сказаўшы, што дакумент юрыст ужо рыхтуе.