18 красавiка 2024, Чацвер, 13:51
Падтрымайце
сайт
Сім сім,
Хартыя 97!
Рубрыкі

Кіраўнік МЗС Брытаніі падтрымаў канфіскацыю актываў РФ на карысць Украіны

Кіраўнік МЗС Брытаніі падтрымаў канфіскацыю актываў РФ на карысць Украіны
ДЭВІД КЭМЕРАН

У лік рэпарацый.

Міністр замежных справаў Брытаніі Дэвід Кэмеран падтрымлівае ідэю выкарыстоўваць расейскія актывы для аднаўлення Украіны. Гэта будзе аванс у пытанні рэпарацый.

Заяву міністра прыводзіць Sky News.

Кіраўнік брытанскага МЗС цяпер знаходзіцца ў Злучаных Штатах Амерыкі, дзе ў яго запланаваная сустрэча з дзяржаўным сакратаром Энтані Блінкенам.

«Замест таго каб проста замарожваць гэтыя грошы (расейскія актывы – рэд.), давайце возьмем іх, выдаткуем на аднаўленне Украіны, і гэта, калі хочаце, будзе авансам у лік рэпарацый, якія Расея аднойчы павінна будзе выплаціць за незаконнае ўварванне, якое яна пачала», – падкрэсліў Кэмеран перад сустрэчай.

Паводле словаў міністра, ён разгледзеў усе аргументы ў пытанні канфіскацыі актываў і не ўбачыў нічога, «што магло б яго пераканаць у тым, што гэта дрэнная ідэя».

Ён таксама заклікаў ЗША зацвердзіць новае фінансаванне дапамогі Украіне пасля таго, як рэспубліканцы адмовіліся падтрымліваць адпаведны законапраект у Сенаце.

«Калі ЗША прагаласуюць за пакет дапамогі Украіне, гэта надасць вялізны імпульс еўрапейскім краінам», – адзначыў Кэмеран.

Напісаць каментар

Таксама сачыце за акаўнтамі Charter97.org у сацыяльных сетках