Украінская выведка: Расейскае камандаванне рыхтуе самагубную пастанову з тэрыторыі Беларусі
5- 9.02.2023, 10:44
- 32,502
Аперацыя задуманая ў падтрымку наступу РФ на ўсходзе.
Расейскія акупанты, акрамя наступу на ўсходзе, могуць наважыцца на правядзенне дэсантнай аперацыі на поўдні ці поўначы Украіны, адзначылі ва ўкраінскай выведцы.
Як паведаміў у эфіры тэлемарафону прэс-сакратар Галоўнай управы выведкі Андрэй Юсаў, гэтая аперацыя стане самагубнай для РФ.
«Калі гаворым пра класічную дэсантную аперацыю, такая пагроза таксама заўсёды прысутнічае. Або з беларускага кірунку, альбо марскі дэсант, калі мы гаворым пра Адэсу», - сказаў Юсаў.
Ён адзначыў, што расейскі дэсант будзе хутка знішчаны на тэрыторыі Украіны.
«Такая пастанова была б самагубнай для рашыстаў. Такі дэсант будзе вельмі хутка знішчаны на тэрыторыі Украіны. Гэтак жа як былі каласальныя страты падчас пачатку поўнамаштабнага ўварвання ў Гастомельскім аэрапорце, калі ўкраінцы нанеслі зруйнавальныя страты захопнікам», - падкрэсліў Юсаў.
Ва Узброеных сілах Украіны скептычна ставяцца да паўтарэння Расеяй дэсантнай аперацыі для захопу Кіева, якую яна арганізавала ў лютым 2022 года.
«На сённяшні дзень гэта ўвогуле нерэалістычны сцэнар… Тады не ўдалося акупантам гэта зрабіць, не атрымаецца і зараз. Таму што праляцець проста так да сталіцы і высадзіць дэсант з Іл-76 не ўдасца ніякім чынам. Думаю, што і да мяжы не атрымаецца даляцець», - сказаў прэс-сакратар камандавання Паветраных сіл Юры Ігнат.