УСУ знішчылі танкавую калону акупантаў

Відэафакт.

УСУ адбілі бранятанкавы штурм на поўдзень ад Аўдзееўкі, знішчыўшы некалькі танкаў расейскіх акупантаў разам з экіпажамі.

Пра гэта на сваёй старонцы ў сацыяльнай сетцы «Твітэр» паведаміў народны дэпутат і валанцёр Юрый Мысягін, апублікаваўшы адпаведнае відэа, знятае беспілотнымі лятальнымі апаратамі.

У атацы ўдзельнічалі сама меней тры расейскія танкі і дзве баявыя браняваныя машыны.

Першы танк ехаў на высокай хуткасці, калі нечакана моцна ўзарваўся - яркі грыб падняўся ў некалькі разоў вышэй за дрэвы, яму адразу адарвала вежу, экіпаж, напэўна, загінуў.

Другі танк таксама ўзарваўся па ходзе ў лесапаласе, але менш магутна - тут абышлося без дэтанацыі.

Таксама на відэа бачна, як моцна дыміць трэці танк, а з яго ўцякаюць усе тры члены экіпажа.