У Менску закрываецца аквапарк «Лебядзіны»

На прафілактыку.

Аквапарк «Лебядзіны» ў Менску абвясціў аб хуткім закрыцці «ў сувязі з правядзеннем прафілактычных работ па ліквідацыі дэфектаў», паведамляецца на сайце ўстановы.

Аквазона і спа-цэнтр парка будуць закрытыя з 10 да 28 красавіка ўключна.

«Аквазона аквапарку штогод закрываецца для правядзення прафілактычных мерапрыемстваў для гарантавання максімальнай бяспекі і камфорту наведвальнікаў», – тлумачыць кіраўніцтва «Лебядзінага».

Пры гэтым фітнэс-цэнтр аквапарку, размешчаны ў забаўляльным корпусе, будзе працаваць у звычайным рэжыме.

У сувязі з закрыццём аквазоны і спа падаўжаюцца тэрміны дзеяння ўсіх электронных квіткоў, абанементаў, падарункавых сертыфікатаў, якія ўключаюць карыстанне гэтымі паслугамі, на тэрмін, прапарцыйны дням закрыцця. Для падаўжэння трэба з 29 красавіка звяртацца да спецыялістаў у касах 2-га паверха, спа-цэнтра і фітнэс-цэнтра.