Навукоўцы расказалі, што агульнага паміж людзьмі і яшчаркамі

Даследчыкі назіралі за паводзінамі рэптылій побач з вайсковай базай.

У новым даследаванні, апублікаваным у часопісе Frontiers in Amphibian and Reptile Science, навукоўцы Універсітэта штата Юта разгледзелі паводзіны яшчарак гатунку Aspidoscelis neotesselata, якія жывуць побач з вайсковай базай Форт-Карсан у Каларада. З гэтай базы часта вылятаюць вайсковыя самалёты і гелікаптэры, тлум ад якіх дасягае 112,2 дб (гэта параўнальна з гучнасцю аркестра або бензапілы за мэтар ад вуха), піша techinsider.

Назіранне за яшчаркамі паказала, што часты тлум прымушаў іх выдаткоўваць менш часу на рух і больш - на ядзенне.

У прэсавым рэлізе войска ЗША Aspidoscelis neotesselata называюць "гатункам, якія знаходзяцца пад пагрозай", а кантора Colorado Parks and Wildlife ("Паркі і дзікая прырода Каларада") - "гатункам, які выклікае заклапочанасць".

Аднак гэтым мілым стварэнням, якія размножваюцца бясполым шляхам, відавочна бракуе ўвагі і павагі.

Даследчыкі не толькі назіралі за паводзінамі яшчарак побач з васковай базай, але і бралі ўзоры іх крыві, вымяралі вагу і праводзілі УГД. Суполка высветліла, што тлум самалётаў і гелікаптэраў выклікаў моцны скачок узроўню гармону стрэсу картызолу ў рэптылій. Асабліва ён быў прыкметны ў цяжарных яшчарак.

Што заставалася рабіць яшчаркам у стрэсе? Як і людзям - менш рухацца і больш есці.