«Расейскія атакі павінны быць спыненыя»
4- 29.05.2023, 14:16
- 8,078
Дзмітрый Кулеба заклікаў да выдачы Украіне знішчальнікаў F-16 пасля новых удараў РФ.
Расейскія атакі на Украіну дронамі і ракетамі павінны быць спыненыя. Гэта магчыма шляхам умацавання супрацьпаветранай абароны Украіны, з дапамогай самалётаў F-16, і знішчэння расейскай агрэсіі.
Як паведамляе «Обозреватель», пра гэта напісаў у Twitter міністр замежных спраў Украіны Дзмітрый Кулеба пасля ўжо 16-й атакі на ўкраінскую сталіцу з пачатку месяца, якую акупанты ўчынілі ўдзень 29 траўня.
Чыноўнік падкрэсліў, што абстрэлы мірных гарадоў нашай краіны не павінны пачаць успрымацца як належнае, наколькі б яны не пачасціліся.
«Усе яны - ваенныя злачынствы, і павінны быць спыненыя шляхам далейшага ўмацавання супрацьпаветранай абароны Украіны, з дапамогай самалётаў F-16 і знішчэння расейскай агрэсіі як такой», - напісаў Кулеба.
Нагадаем: удзень 29 траўня дзяржава-тэрарыст Расея другі раз за дзень атакавала Кіеў ракетамі. Паводле папярэдняй інфармацыі, украінская СПА збіла варожыя паветраныя цэлі.
У Абалонскім раёне абломкі ракеты ўпалі на праезную частку дарогі. Экстранныя службы выехалі на выклік паблізу цэнтра сталіцы. Таксама падзенне абломкаў адбылося ў Падольскім раёне, у выніку чаго адбылося ўзгаранне на даху двухпавярховага будынка. Медыкі шпіталізавалі аднаго параненага. У выніку працы СПА таксама прагрымелі выбухі ў Дзяснянскім раёне.
Краіна-агрэсарка зноў нанесла ракетны ўдар па Кіеве толькі праз 6 гадзін пасля начнога нападу.