У сям'і берасцейскай пустальгі вылупіліся першыя птушаняты

За іх жыццём можна назіраць анлайн.

Раніцай 30 траўня ў сям'і берасцейскай пустальгі вылупіліся першыя птушаняты, паведамляе тэлеграм-канал «Дзікая прырода побач».

«Цяпер самцу давядзецца прыкласці намаганні, каб пракарміць сваю вялікую сям'ю. Пакуль ёсць два птушаняты, хутка чакаем астатніх», – гаворыцца ў паведамленні.

За берасцейскімі птушкамі можна сачыць анлайн. Гэта ўжо 14-ы сезон рэаліці-шоу пра сямейнае жыццё сокала-пустальгі. Упершыню камеру ў гняздзе, размешчаным у адным з дамоў Берасця, устанавілі ў 2010 годзе.